Ni: Throy Catan
ITINANGGI ng Pusong Ligaw star na si Beauty Gonzales ang usap-usapang ikakasal na sina John Lloyd Cruz at Ellen Adarna. Agad na pinabulaanan ni Beauty, malapit na kaibigan nina Ellen at Loydie, na mag-iisang dibdib na ang kontrobersyal na couple. Aniya: “Hindi po sila ikakasal, wala pong kasal. May dementia yata ‘yung nagsusulat nun.”
“I don’t need to clarify ’cause I know if they are gonna get married, they are gonna call us.” Alam ko naman sasabihan nila kami… “Bakit ako tatawag? Sasabihin pa niya sa akin na may kung anu-anong tumatakbo sa utak ko… Kwento-kwento lang ‘yan, Siguro wait na lang din natin kung ano ang magiging desisyon nila.” Dagdag pa niya.
Matatandaang noong Nobyembre si Beauty din ang nagsabing mahal nina Ellen at John Lloyd ang isa’t isa.
Sa magkasabay na panayam kay Beauty ito rin ang naging ang naging pahayag ni Pusong Ligaw co-star Joem Bascon na kilalang malapit na kaibigan ni Loydie. “Okay naman sila masaya sila sa isat -isa . Basta masaya sila,” Tugon ni Joem.
Tikom naman ang bibig ng dalawang Kapamilya star sa isyu ng diumano’y pagbubuntis ni Ellen , para kina Beauty at Joem wala sila sa posisyon para magbigay pa sila ng ano pa man detalye.
